Біреуге ор қазба, өзің түсесің! Өскеменде арызданған қыздың өтірігі шығып, сотталып кетті

Қылмыстық істің материалдары бойынша, Ұлан аудандық сотында қарастырылған істе Шығыс Қазақстан облысы тұрғыны Қасым Қайсенов ауылындағы жалдамалы пәтерде 4 жігітпен көңіл көтерген. Олар бірге ішімдік ішкен. 21 жастағы қыз бір жігітпен жыныстық қатынасқа түспек болған. Осы кезде бір танысы екеуінің әрекетін видеоға түсірген. Оның жігіті досының бұл әрекетіне қарсы болмаған, ал қыз болса намыстанып жігіттерді үйден қуып шыққан.

Қатты өшіккен қыз ертеңінде барып 4 жігіттің өзін зорлағанын айтып, полицияға арыз жазған. Жігіттер қамауға алынған. Осыдан кейін, сараптамалар мен сұрау алу қорытындысы бойынша қыздың өтірігі шыға бастаған. Сол себепті қыз өзі жалған мәлімет бергені үшін айыпталушыға айналған. Істің қорытындысында қыз өзінің жалған мәлімет бергенін мойындаған.

Ұлан аудандық соты 21 жастағы қызды 3 жылға бас бостандығынан айырды.