Ұрыға бәрібір екен. Алматыда мешітке келушілерді тонаған ұры видеоға түсіп қалды (видео)
Әлеуметтік желіде мешітте жүрген ұрлықшы түсіп қалған видео пайда болды. Ер адам намаз оқуға келгендерді тонап кетіп жүрген.
Кейіннен мешіт қызметкерлері оны қылмыс үстінде ұстап алған.
Кадрларда мешіт қызметкерлері ер адамнан ақшаны қайда жасырғанын көрсетуді сұрайды. Ол кілемнің астынан ұялы телефонды алып шығады. Ақша жайлы сұралғанда ер адам ақшаға тиіспегенін айтқан.
Мешіттегі ұрлыққа қатысты бұл бірінші жайт емес.
Алдында әлеуметтік желіні қолданушылар тағы бір видеоны интернетке таратқан болатын. Видеода мешітке намаз оқуға келген секілді бас сұққан ер адам киім ілгіштегі киімдердің қалтасын ақтара бастайды. Тіпті, өзінің күртесін шешіп, оның орнына басқасын да киіп алады. Имамдар ұстаған дәл осы видеодағы ұры ма, оны да дөп басып айту қиын.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе