“Шекарасыз репортерлер” (RWB) халықаралық ұйымның жетекшісі Люсие Моррилон Тәжікстандағы сөз бостандығы жағдайына байланысты арнайы мәлімдеме таратты. Онда соңғы екі жылда аталған елде сөз еркіндігі күрт нашарлап кеткендігі айтылады.
RWB Тәжікстандағы экономикалық және әлеуметтік жағдайдың нашарлап бара жатқандығын айтып, билік жергілікті БАҚ-ты уысында ұстағысы келеді деп мәлімдеді.
Тәжікстан сыртқы істер министрлігі 25 қарашада Азат Еуропа/ Азаттық радиосының тәжік қызметі Озоди радиосының бір топ тілшілерінің ресми тіркелу куәлігін қайтарып алды. СІМ мекемесі бұл шешімге түсініктеме бермеді. Алайда Озоди радиосының басшылығы мұны президент Эмомали Рахмонның қызы Рухшона Рахмонованың Тәжікстанның СІМ халықаралық ұйымдар басқармасы басшылығына тағайындалғаны жөніндегі ақпаратты жариялағанымен байланыстырады.
Азат Еуропа/Азаттық радиосының президенті Томас Кент Тәжікстан билігінің мұндай байланысы алаңдаушылық туғызады деді. Оның сөздерінше, Озоди радиосының Душанбедегі тілшілері ең алдымен АҚШ үкіметінің ресми мәлімдемесін жариялады, екіншіден, жаңалықты Тәжікстан сыртқы істер министрлігінің ресми сайтындағы ақпаратқа сілтеме жасап хабарлаған.
“Шекарасыз репортерлер” ұйымының мәлімдемесінде Озоди радиосының алты журналисінің тіркелу куәлігін қайтарып алуы, елдегі тәуелсіз БАҚ-қа жасаған қысымы деп деп атап өткен.
Қараша айының басында Тәжікстанда апталық “Нигох” (“Көзқарас”) газеті мен “Точнюс” ақпараттық агенттігі жабылды.