Қазақстан тарихы пәнін ҰБТ-дан алып тастау туралы ұсыныс қабылданбады
“Қазақстан тарихы Ұлттық бірыңғай тесттің құрамында қалуы тиіс” – деді министр.
ҚР Білім және ғылым министрлігі ҰБТ тапсыруға байланысты мәселелерге қатысты ресми ұстанымдарын жариялады деп хабарлады Zakon.kz.
“Көбіне екі ұсыныс жиі көтерілді. Мен соларға тоқталып, министрліктің ұстанымын жеткізгім келеді. Біріншісі, ҰБТ-дан “Қазақстан тарихы” пәнін алып тастау туралы. Расында, бұл пәннен мектепті бітірген кезде емтихан тапсырады, содан соң ҰБТ кезінде де одан сынақтан өтеді. Біз бұл пәннің ҰБТ құрамында болуы міндетті деп санаймыз, өйткені қоғам үшін тарих өте маңызды.
Екіншісі – “Алтын белгі” иегерлері мен түрлі республикалық, халықаралық жарыстардың жүлдегерлерін ҰБТ тапсырудан босату. Біз бұл ұсынысты да құп көрмедік. ҰБТ бәріне ортақ, оны оқуға түсем деген барлық мектеп түлегі тапсыруы тиіс” деді министр Ерлан Сағадиев үкіметтің отырысында.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе