Украинадағы сепаратистер өз тарапынан оқ атылмайтынын жариялады

Ресейлік телеарналардың эфирінде берілген аудиотаспаға сәйкес, Донецк сепаратистерінің жетекшісі Александр Захарченко Минск бейбіт келісімін қолдайтынын және ол “жалғыз шешім” екенін мәлімдеді. Ол Киевті бейбіт келісім шарттарын орындауға шақырды.

Луганск облысындағы бүлікшілерді бастаған Игорь Плотницкий осындай мазмұндағы мәлімдеме жасады. Оқ атуды доғару туралы келісімге екі апта өткеннен кейін, осындай мәлімдеме таратылуына не себеп болғаны әзірге белгісіз.

Мәлімдемелерден бірнеше сағат бұрын Украина президенті Петр Порошенко Жоғарғы Радада жақын күндері Конституцияға өзгеріс енгізу мәселесі дауысқа салынатынын хабарлады. Ол шығыс облыстарға автономия мәртебесін беруді қарастырады. 2014 жылдың сәуірінен бері жанжал аймағында 9 500 мыңнан астам адам өлді.