Британиялық Келл Брукты техникалық нокаутпен ұтқан жерлесіміз өзінің кәсіпқой рингтегі 36-шы жеңісіне қол жеткізді.
Лондонның О2 аренасында өткен жекпе-жекті 20 мыңнан астам адам тамашалапты. Оның ішінде аты алты құрлыққа танымал кино және спорт жұлдыздары болды.
Жерлесімізді жеңісімен құттықтаған олар Генаның шаршы алаңдағы өнеріне тәнті болыпты.
Солардың бірі қазір әйгілі Манчестер Юнайтед сапында доп тебетін Златан Ибрагимович.
Сонымен бірге көптеген көрерменнің көңілінен шыққан “Тақ таласы” (Игры престолов) сериалының жұлдыздары да Генаны кәсіпқой рингтегі 36 жеңісімен құттықтаған екен.