Қырғыз және өзбек премьерлері шекара мәселесін талқылады
Қырғызстан премьер-министрі Сооронбай Жээнбеков Өзбекстанға сапары барысында осы елдегі әріптесі Шавкат Мирзияевпен кездесті, деп хабарлады ҚР үкіметінің баспасөз қызметі.
Жээнбеков Қырғызстан президенті атынан Ислам Кәрімовтың қазасына байланысты көңіл айтты. Мирзияев өзбек халқы мен елі үшін қиын-қыстау заманда қолдау білдіргені және Ислам Кәрімовпен қоштасу рәсіміне қатысқаны үшін Жээнбековке алғысын білдірді.
Үкімет басшылары кездесуде сауда-экономикалық, ауыл шаруашылық, көлік инфрақұрылымы салаларындағы әріптестікті дамыту мәселелерін талқылады. Жүздесуде шекара мәселесіне ерекше көңіл бөлінді.
Кездесуге қырғыз сыртқы істер министрі Эрлан Абдылдаев, Жогорку Кенеш спикерінің орынбасары Нұрбек Әлімбеков, депутат Әнуар Артықов және ҚР Өзбекстандағы елшісі Данияр Сыдықов қатысты.
Серіктестер жаңалықтары
© «365 Info», 2014–2025 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз