Түркия адам құқықтары жөніндегі конвенцияны уақытша тоқтатты
Түркия Адам құқықтары жөніндегі еуропалық конвенция жұмысын уақытша тоқтатты, деп мәлімдеді түрік вице-премьері Нуман Куртулмуш.
Бұған қоса ол елдегі төтенше жағдай бір немесе бір жарым айда аяқталып қаларына сенім білдірді.
Бұған дейін түрік президенті Режеп Эрдоған төтенше жағдай режимі үш айға созылатынын мәлімдеген еді. Осы уақыт аралығында президент парламенттің көмегінсіз-ақ жаңа заңдар қабылдай алады.
16 шілдеде түнде Түркияда сәтсіз әскери төңкеріс болып, билік бүлікшілерді басып тастады. Бүлікке қатысқан деген күдікпен шамамен 6 мың адам ұсталды, олардың арасында жоғары лауазымды офицерлер, шенеуніктер және судьялар бар. Мектептер мен жоғарғы оқу орындарының бірқатар қызметкерін бүлікшілермен байланысы бар деген күдікпен жұмыстан шығарды.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе