Сириядағы соғысқа бармақ болған 12 ақтөбелік сотты болып жатыр
Сирияға кетпек болған жерінен 12 ақтөбелік құрықталды. Олардың барлығы ДАИШ-қа қосылып, әскери қақтығыстарға қатыспақ болған.
Бұл туралы Ақтөбе облыстық сотында мәлім болды деп хабарлайды „Астана„ телеарнасы.
Эстремистік топ биыл ақпан айында Сирияға кетпекші болады. Қазақстан шекарасынан асып кету үшін олар жалған құжат әзірлеткен. Олар террористік топ мүшелерінен барлық тапсырманы интернет арқылы алып отырған.
Анар Айтжанова, Ақтөбе облыстық сотының баспасөз хатшысы міндетін атқарушы:
– Шұғыл іздестіру шараларын өткізу кезінде аталған тұлғалар Ұлттық қауіпсіздік комитеті қызметкерлерімен ұсталды. Қазіргі уақытта қылмыстық іс сот қарауына алынған болатын. Оған байланысты сот амалдарын жүргізу бекітілген.
https://www.youtube.com/watch?v=AlW4rBvDvUQ
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе