Бүгін Шығыс Қазақстан облысының басшысы Даниал Ахметов Өскеменнің жаңа әкімін таныстырды. Әкім болып Қуат Тұмабаев тағайындалыпты. Бұл кісі бұрын ШҚО әкімінің орынбасары болып келген.
Қуат Тұмабаев 1980 жылы 30 қазанда Семей қаласында дүниеге келген.
2001 жылы Шәкәрім атындағы Семей мемлекеттік университетін «Халықаралық экономикалық қатынастар» мамандығы бойынша аяқтады. 2003 жылы Қазақ гуманитарлық заң университетін «Құқықтану» мамандығы бойынша аяқтады.
2016 жылдың 15 қаңтарында Шығыс Қазақстан облысы әкімінің орынбасары болып тағайындалды. Жапонияда Өнеркәсіптік дамуды жоспарлау (2007 ж.) және инфрақұрылымды дамытудағы Мемлекеттік-жеке әріптестік (2014 ж.) бойынша біліктілікті арттыру курстарынан өтті. Қазақстан Республикасы Президенті жанындағы Мемлекеттік басқару академиясында «Мемлекеттік басқару» тақырыбында бағдарлама бойынша курстан өтті. Қазақ, орыс және ағылшын тілдерін меңгерген.