“7-20-25″бағдарламасы бойынша пәтер алғандардың айлығы 200 теңге екені белгілі болды

Қарыз алушының ортақ сипаты да белгілі болды. Ол — Қазақстан Республикасының азаматы, жас шамасы 24 пен 40 жас аралығында, отбасының ай сайынғы табысы 200 мың теңге көлемінде.

“Қазіргі таңда бағдарламаға қатысқан көптеген азаматтың өтініші мақұлданғанын байқап отырмыз. Ол “7-20-25″ бағдарламасының көкейкестілігін, дер кезінде қолға алынғанын және әлеуметтік бағытын айқын дәлелдейді”, — деді “Баспана” Ипотекалық ұйымының басқарма төрағасы Қайрат Алтынбеков.

Оның сөзінше, жылдық үстемесі 7 пайыз болатын “7-20-25” ипотекасының ай сайынғы төлемі пәтерді жалға алып тұрғаннан арзан шығады.

“Пәтер жалдағаннан гөрі, өз баспанаңда тұрғанға не жетсін”, — деп қайырды Қайрат Алтынбеков.

13 тамыз күнгі жағдай бойынша, Қазақстан халқынан бағдарламаға қатысуға 15,4 миллиард теңге сомасына 1323 өтініш келіп түскен. Оның ішінде жалпы сомасы 9,7 миллиард теңгені құрайтын 843 өтінішті банктер мақұлдады.

Қазіргі таңда “7-20-25” бағдарламасының ипотекалық несиесін Центркредит банкі, АТФБанк, Bank RBK мен ЦеснаБанк арқылы алуға болады.