Күйеуі жоқ әйелдердің бәрі бірдей деп кім айтты?
Қалайсыздар? Ішіме сыймай жүрген сырыммен бөліскім келді.Қиналып кеттім, Мүмкін шаршағандықтан ба? Балапанымды сағынып жүрмін, ол да сағынып жүр.
Ұлым ата-анамның қолында, мен қалада жұмыстамын. Хабарласып тұрады, бірдеңелерді былдырлап айтады. Жасы 2-де. Барсам мама мамалап жанымнан шықпайды. Барған сайын ол ұйықтап жатқанда кетіп қаламын.
Жұмыстағылар да шаршатты. Бірін-бірін көре алмайды.Əсіресе әйел адамдармен жұмыс істеген оңай емес.Үлкен бастарымен өсек-аяң тереді. Одан қалса, жігіттер байы жоқтардың бәрі бірдей деп ойлайды ма? Намаз оқып жүріп те қыз-келіншектерге тиседі. Бала-шағасы болса да қырындайды. Адамдар не болып барады, түсінбеймін.
Күндегі Алладан тілейтінім, ұлымды ертерек қолыма алып ешкімнің көмегіне мұқтаж болмай балапанымды жақсы иманды азамат қылып өсірсем екен деп күнде тілеймін. Демалыс күндері осылай көңілім түсіп, ұлымды ойлап кетемін. Әке-шешеме рахмет, ұлыма қарап отыр. Ол кісілер болмағанда қалай өмір сүретінімді де білмеймін. жылап алғым келеді, бірақ қазіргі заманда жылауғада хақың жоқ.
Анама сырымды айтайын десем, қатты уайымдайды, жүрегін ауыртқым келмейді.Құрбым алысқа тұрмысқа шығып кетті.Сыр бөлісетін адамымда қалмады. Алла барлықтарыңызды әке-аналарыңыздан, отбасыларыңыздан айырмасын. Бір жеңілдеп қалады екенсің.
Балжан Қашырқызы
Дереккөз: Алаш айнасы
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе