Оңтүстік Қазақстан ет экспорттаудан еліміз бойынша алдыңғы орындарда. Дегенмен осы етті өңдеп сататын болсақ, алынатын табыс та еселене түсетіні анық.
Осыны негізге алған кәсіпкерлер бұқтырылған ет өңдейтін кәсіпорынды ашқан. Бүгінде мұнда жергілікті 30-дан астам тұрғын жұмыспен қамтылды. Өндірілген өнім өңірден асып, көршілес шетелдерге де экспортталуда, деп хабарлайды shymkenttv.kz.
Себебі, халал стандартына өткен. Мұндағы жұмысшылардың жалақысы – 70 мыңнан 150 мыңға дейін. Бір ауысымда 28 адам еңбек етеді. Кәсіпкерлер малды сатып алады. Ендігі мақсаттары – төрт түлікті өздері бордақылау. Ол үшін мемлекеттік бағдарлама аясында несие алмақ ниетте.
Дереккөз: Қазақпарат