12 адам зілзала құрбаны болды
Қытайдың Сычуань провинциясындағы жойқын жер сілкінісінің құрбаны 12 адам болды, зардап шеккендер саны 175-ке жетті, деп хабарлайды жергілікті БАҚқа сілтеме жасаған РИА Новости.
28 адам ауыр хәлде жатыр. Іздеу-құтқару операцияларына құтқарушылар мен дәрігерлер ғана емес, ҚХР қарулы полициясының 1300-ден астам қызметкері ат салысуда.
Жойқын жерасты дүмпуі салдарынан Цзючжайгоу ұлттық паркіндегі “Тяньтан” қонақ үйі қирады, онда 2 мың турист тұрып жатқан. Ғимараттан 500 адам қауіпсіз жерге шығарылды.
Жер сілкінісінің күші Қазақстанда да сезілді: елорда уақыты бойынша 05.28-де жер сілкінісі тіркелген. Эпицентрі Алматыдан Қытай аумағына қарай 485 километр жерде болған. Жерасты дүмпулерін Алматы, Талдықорған, Жаркент, Қарағанды және Өскемен тұрғындары сезді.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе