Биыл елге 7 162 отбасы немесе 11 617 этникалық қазақ қоныс аударған деп хабарлайды Dalanews.kz Еңбек және халықты әлеуметтік қорғау министрлігіне сілтеме жасап.
Қандастардың ең көп бөлігі Алматы облысына (32 пайыз) орналасыпты.
Ал Түркістан облысына биыл атажұртына оралған оралмандардың 18,1 пайызы, Маңғыстау облысына 10,9 пайызы, Астана қаласын 9,4 пайызы қоныстанған.
Жас мөлшері мен еңбекке қабілеттілігі бойынша айтсақ, 2018 жылы тарихи отанына оралған қандастарадың 63,9 пайызы жұмысқа жарамды. 18 жасқа дейінгі балалар – 26,9 пайыз, ал зейнеткерлер небәрі 9,2 пайыз.
Білім деңгейі бойынша еңбекке қабілетті жастағы оралмандар қатарынан 15 пайызы жоғарғы, 26 пайызының арнайы орта, 53 пайызының жалпы орта және 6 пайызының білімі жоқ.
Ал Статистика комитетінің дерегінше былтыр Қазақстаннан 37 725 адам көшкен.
Оның 32 874 –і Ресейден қоныс тапқан. Төлқұжат ауыстырғанның 72,3 пайызы орыс екен.
Бұдан бұрын сайтымызда Ресейдегі Аймақты мәселелерді зерттейтін институт директоры Дмитрий Журавлевтің сұхбаты жарияланған. Оның айтуынша,
Қазақстандағы орысты елге шақырған Путиннің өзі.