Ташкент халқы көшбасшысы Ислам Кәрімовпен қоштасты (видео)

1 890 просмотров

Өзбекстан астанасының әуежайына көшбасшы Ислам Кәрімовтың денесі әкетіліп барады. Қолына гүл алған Ташкент тұрғындары қаланың орталық көшелерінің бойына тіз қатар тізілді.

20160903093941
Бұл туралы ресейлік РБК агенттігі хабарлады.

Еске сала кетсек, ел билігі Өзбекстан басшысының қайтыс болғанын ресми кеше хабарлаған еді. Ислам Кәрімовты бүгін Самарканд қаласына жерлейді. Бұл қаладағы зираттардың бірінде оның екі ағасы мен анасы жерленген.

Бүгін таңертең Ташкенттің басты көшелерінде көлік қозғалысы тоқтатылды. Сондай-ақ, қалада пойыздардың жүру кестесі де өзгертілген.

Әлеуметтік желіде Мурад Назаров атты пайдаланушы осы жерден ұялы телефонына түсірілген видео жариялады. Онда мемлекет басшысының денесін Самарқанд қаласына алып ұшатын ұшаққа алып бара жатқан көліктер кортежін күтіп алған мыңдаған өзбекстандықтарды көруге болады.

Сондай-ақ бүгін Ислам Кәрімовтің сырқаты мен қазасын тіркеген медициналық құжат Өзбекстан үкіметінің порталында жария етілді.

Загрузка...