Ресми орган: WhatsApp желісі арқылы тараған ескерту шындыққа еш жанаспайды

316 просмотров

ҚР Ішкі істер министрлігі WhatsApp желісі арқылы тараған кісі тонап, өлтіруші туралы ескертуге қатысты түсініктеме берді.

ҚР Ішкі істер министрлігі Мемлекеттік тіл және ақпарат департаментінің директоры Алмас Садубаевтың келтірген деректеріне сүйенсек, ел арасында адамдарды тонап, өлтіріп кететін қылмыскердің емін-еркін жүргендігі туралы WhatsApp әлеуметтік желісі арқылы тараған ескерту шындыққа еш жанаспайды.

„Соңғы аптада әлеуметтік желілердегі топтарда қалада адамдарды тонап, өлтіріп кететін қылмыскердің емін-еркін жүргендігі туралы ескерту кеңінен тараған. Бұл ақпаратты біз тексердік. Еліміздің территориясында бұл жайтқа ұқсас ешқандай да қылмыс тіркелмеген. Сондай-ақ мұндай қауіп-қатерлерді министрлік ресми ақпарат көздері арқылы таратындығын ескерте кеткіміз келеді„ — деді Садубаев.

WhatsApp әлеуметтік желісі арқылы қазақстандықтарға ыдыс, киім, планшет сатамыз деген уәжбен үйге кірген қылмыскер үйдегілерді өлтіріп, барлығын тып-типыл етіп алып кетіп отырған делінген.

 

Загрузка...