«Эйр Астана» ұшқыштары неліктен министрлерден жоғары жалақы алады?

26 просмотров

«Эйр Астана» әуе компаниясының президенті Питер Фостер ұшқыштардың не себепті жоғары жалақы алатындарын түсіндірді.

Бұл туралы Қазақпарат хабарлайды. Айта кетсек, бұған дейін «Эйр Астана» ұлттық әуе тасымалдаушы компаниясының экипаж командирі айына 10 мың доллар жалақы алатыны айтылған болатын.

Азаматтық авиация комитетінің басшысы Сейдахметовтің айтуынша, әуе компаниясындағы экипаж командирі айына 10 мың доллардан кем жалақы алмайды. Ал екінші ұшқыш 6 590 доллар көлемінде жалақы алады.

Алматыдағы журналистермен кездесу барысында Фостер ұшқыштарының ондай жалақы алатынын растады.

«Ұшқыштар халықаралық жоғары стандарттарға сәйкес біліктілік алады. Біздің ұшқыштар бұл жалақыға лайық», — деді ол.

Фостер шенеуніктердің бірі одан «Эйр Астана» ұшқыштары «неліктен министрлерден жоғары жалақы алады» деп сұрағанын еске алды.

Ол «Менің ұшқыштарым әлемнің кез-келген елінде жұмыс істей алады, ал министр тек Қазақстанда министр болып қызмет ете алады» деп жауап берген екен.

Загрузка...