Дизель отыны қымбаттады: баға 108-125 теңге аралығында құбылып тұр
7-тамыздан бастап елімізде дизель отынының бағасы еркіне жіберілді. Алайда тауар саудалаушылар демалыс күндері бекеттегі таблоны бос қойып, әліптің артын бақты. Ал дүйсенбіде еліміздің әр өңірінде баға құбылып сала берді.
Ең қымбат баға Орал қаласында төбе көрсетті. Онда бұрын құны 99 теңге болған солярканың 1 литрі 126 теңгеге бір-ақ шарықтады. Қадағалаушыларға жақын мекен – Астанада сұйық отын бағасы 108 теңге болды. Ақтөбеде де баға 108-110 теңгені көрсетті. Алматы, әзірге дизель отынын саудаға шығармай тұр.
“Дүйсенбіден бастап бүкіл Қазақстан бойынша, барлық жерлерде дизельдік отын тек нарықтық бағамен белгіленетін болады”, – дейді Энергетика министрлігінің баспасөз хатшысы Асқар Жалдинов.
Алайда министрлік алдыңғы өз болжамында сұйық отынның бір литрі 115 теңгеден аспауы керек деп мәлімдеген еді. Соған қарағанда еркіне жіберілген баға бастапқыда құбылмалы болып, ақыры осы баға төңірегіне тұрақтайтын секілді.
Талонмен дизель отынын алатындар үшін 99 теңге деген баға сақталатынын еске сала кетелік. Талондар, көбіне ауылшаруашылығы саласындағыларға таратылып берілген.
Сондай-ақ асыра сілтеп, „бағамен„ ойнаған жанар-жағармай құю бекеттеріне қомақты айыппұл салынатынын да еске сала кетелік.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе