Brent мұнайының бағасы $48 асты

20 просмотров

Goldman Sachs инвестициялық конгломератының нарықта мұнай тапшылығы болуы мүмкін деген болжамынан кейін мұнай бағасы өсті. Дүйсенбі күні таңертең Brent маркалы мұнайдың бір баррелі 48,47 доллардан саудаланды. Бұл осыған дейінгі көрсеткіштен  64 центке артық, деп хабарлады  Би-би-си.

pic_b7f19348241ca164b81ebe8ff0b67f14

WTI маркалы мұнай баррелі 1,3пайыз, 46,81 долларға дейін қымбаттады.

Goldman Sachs болжағандай, Нигериядағы құбырларды шабуылдау және Канада ормандарындағы өрт ағымдағы жылдың екінші тоқсанынан кейін мұнай өндірісінің төмендеуіне әкелуі мүмкін.

Сарапшылар келесі жылдың басында Иран мен Ирактағы мұнай өндірісінің артуымен, Ресей, Сауд Арабиясы, БАӘ және Кувейтте шығыны аз мұнай өндірісінің өсіміне байланысты  нарықтағы ұсыныс көп болады деп күтуде.

Компания сарапшылары мұнай баррелінің бағасы 2017 жылдың соңына қарай 60 долларға дейін өседі деп болжап отыр.

Goldman Sachs баяндамасында жазылғандай, ағымдағы жылдың екінші жартысында мұнайға деген жаһандық сұраныс айына 1,4 млн баррельге жетуі мүмкін. Осыған дейін инвестициялық топтың сарапшылары әлемдік сұраныс күніне 1,2 млн баррель болады деп болжаған болатын.

Загрузка...