БҰҰ бас хатшысы Семейде болып, өз көзімен көрген ядролық сынақ зардаптарын айтып берді
Біріккен Ұлттар Ұйымының бас хатшысы Пан Ги Мун Семей ядролық полигонының жабылғанына 25 жыл толу қарсаңында арнайы жолдау жариялады.
Жолдаудың мәтіні БҰҰ-ның ресми сайтында жарық көрді.
Барша әлем 2016 жылдың 29-тамызда 2009 жылы Қазақстанның бастамасымен БҰҰ Бас ассамблеясы резолюциясымен қабылданған ядролық сынақтарға қарсы іс-қимыл халықаралық күнін атап өтеді. Бұл күн қауіпсіз әлемді құруда құнды қадам ретінде ядролық сынақтарға тыйым салыну қажеттігін насихаттауда Біріккен Ұлттар Ұйымының, оған мүше мемлекеттердің, үкіметтік және үкіметтік емес ұйымдардың, академиялық мекемелер мен жастар байланысының, бұқаралық ақпарат құралдары іс-қимылының белсенді болуын талап етеді.
– Мен 2010 жылы Семейде болғанымда уланған дүниенің табын, құрбандыққа шалынғандарды, сонымен қатар тірі қалған адамдарды көрдім. Мен олардың бейбітшілікке, ядролық қарудан азат болуға ұмтылысын қатты бағалаймын. Ядролық сынаққа түбегейлі тыйым салыну жантүршігерлік мұраға нүкте қояр еді.
Олай етсек, бұл қарусыздану саласына үлкен серпіліс беріп, көпжақты әріптестікті жандандырып, қауіпсіздік саласында аймақтық деңгейде қабылданып жатқан тиімді шараларға қатысты сенімді күшейтер еді, – деді Пан Ги Мун.
БҰҰ бас хатшысы тағы да әлі күшіне енбеген, ядролық сынақтарға жалпылай тыйым салу туралы 20 жыл бұрын Бас Ассамблея қабылдаған Келісімнің толықтай жүзеге асуы үшін оған барлық мемлекетті ат салысуға шақырды.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе