Алматыда жоғалып кеткен әйелді өлтірген күдікті ұсталды

122 просмотров

Жоғалып кеткен 37 жастағы Людмила Зархты өлтірді деген күдікпен Алматы тұрғыны ұсталды.

Людмила Зарх 12-қыркүйекте жоғалып кеткен болатын. Бұл күні ол Рысқұлов мен Жангелдин көшелерінің қилысындағы «Магнум» сауда орталығынан жұмыстан шығып, үйіне қайтқан. Одан кейін оны ешкім көрмеген.

Алматы қалалық ішкі істер департаментінің баспасөз қызметі хабарлағандай, әйел өлі табылған.

„Алматы полициясы қазіргі уақытта іздестіріліп жатқан Людмила Зархтың өлі денесін тапты. Денеде түрлі жарақат белгілері бар. ҚР Қылмыстық кодексінің 99,192,120-баптарына сәйкес, сотқа дейінгі тергеу ісі басталып кетті. Сонымен қатар қылмысқа куә адамдарды анықтау мақсатында арнайы шара жүргізіліп жатыр„ деп хабарлады салалық ведомствадан.

Сонымен қатар ішкі істер департаменті бұл қылмысқа қатысты күдікті анықталып, оның ұсталғанын да мәлімдеді. Ол 24 жастағы Алматы тұрғыны болып шықты.

Басқа мәліметтер тергеу ісі аяқталған соң жарияланатын болады.

Людмила Зарх
Загрузка...