Алматыда полицияға шабуылдаған қылмыстық топты құрықтау операциясы жүріп жатыр
Алматыда құқық қорғау органы өкілдері Абылай хан, Панфилов, Төле би және Гоголь көшелері аумағында арнайы операция жүргізіліп жатыр.
365info.kz тілшісінің хабарлауынша, күш құрылымы бұл ауданды оқшаулап тастаған. Ол аумақта Тұрғын үй құрылыс жинақ банкі және Нұр Отан партиясының ғимараттары орналасқан.
Кейбір деректер бойынша, бір топ адам көліктің терезесінен автоматтарын шығарып, полиция қызметкерлеріне шабуылдаған. Әзірге екі жаралы және бір қаза тапқан полиция қызметкері туралы мәлімет бар.
„Астана„ алаңы паркіне полиция, арнайы қызмет, Ұлттық қауіпсіздік қызмет қызметкерлері мен саперлер тартылған. Арнайы операция жүргізіліп жатыр. Абылай хан көшесінде көлік қозғалысы тоқтатылды, бағдаршамдар сөндірілген.
Кем дегенде екі полиция қызметкері көз жұмған. Бес адам зардап шеккен.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе