Алматыда қолына қымбат фотоаппарат ұстап көшеге шыққан 22 жастағы жігіт жоғалып кетті, деп жазады NewTimes.kz.
16 қазан күні түстен кейін қолына Canon деген қымбат фотоаппарат ұстап үйден шығып кеткен 22 жастағы Қанапия Қосылбеков есімді жігіт сол күйі қайтып оралмады. Баланың анасы Гүлбану Қосылбекова жалғыз ұлын таппай шарқ ұруда.
– Ол менің жалғыз ұлым. Оны соңғы рет 16 қазан күні көрдім. Баламның көзі көрмейді, көру қабілеті минус бес, бүйрегі де ауырады. Қымбат фотоаппаратпен кетіп қалып еді, оны біреулер өлтіріп кетуі мүмкін деп қорқамын. Полицияға хабар бердік, бірақ әлі еш нәтиже жоқ, – деп жылап отыр әйел.