„Ол (Айсұлу Бақытбек – қызы – ред.) сотталушы әкесінің қорғаушысы болады„ деді сотталушының адвокаты Бекболат Жексеитов.
Бұл туралы ҚазАқпарат хабарлады.
Басты сот отырысы 28-қыркүйекке белгіленген.
Қаскелеңде Бақытбек Есентаевтың үстінен қозғалған қылмыстық іске қатысты сот басталды. Алдын ала сот тыңдалымында сот отырысты жабық есік жағдайында өткізу туралы шешім шығарды. Істі қазылар алқасы қарайтын болады.
Естеріңізге сала кетелік, үстіміздегі жылы 10-маусымда бас сүйек-миы зақымдалып, мұрны сынып және пышақ жарақатын алған белгілі тележүргізуші және продюсер Баян Есентаева Талғар аудандық ауруханасына жатқызылған болатын.
Кейін белгілі болғанындай, Баян Есентаева бұл жарақаттарды күйеуі Бақытбек Есентаевпен арада болған жанжал барысында алған.
Бақытбек Есентаев Талғар аудандық ішкі істер бөлімшесіне жеткізіліп, кейін 2 айға уақытша тергеу абақтысына қамалды.
Оның үстінен ҚР Қылмыстық кодекстің 99-бабы, 1 тармағы, 24-баптың 3-тармағы бойынша, яғни „Кісі өлтіруге әрекет қылу„ бабымен қылмыстық іс қозғалды.