«Зіңгіттей жігіттерден таяқ жедім»-деген ақсақалға мәжілісмен араша түсті
Депутаттар күзге дейін демалыста жүргенде, Астанаға әділдік іздеп келген Дүйсенбек Сазанбекұлының арызын ешкім қарамайтын сияқты
Бұл туралы КТК арнасы хабарлайды.
Осыдан үш ай бұрын зіңгіттей жігіттерден жәбір көрдім деген Түркістан облысының ақсақалы «Нұр Отаннан» көмек сұрап келген еді. Жәбірленушіні жеке қабылдаған мәжілісмен Светлана Бычкова істің ақ-қарасын анықтау үшін Бас прокуратураға сауал жібердім деп отыр.
“Мен оны қабылдап, барлық мәселесімен таныстым. Жауапты мекемелерге сауал да жолдадым. Бас прокуратура менің сауланамама жауап беруі керек”, деді ҚР Парламенті Мәжілісінің депутаты.
Осы оқиғадан кейін полицейлер қылмыстық іс қозғап, үш күдіктіні ұстаған. Алайда, көп ұзамай оларды бостандыққа жібере салған. Ақсақал жергілікті полицейлер өзіне күш көрсеткендерге қатысты істі әдейі созбаққа салып отыр деп шағымданады. Астанаға арнайы келген Дүйсенбек Сазанбекұлы Бас прокуратура мен «Нұр отан» партиясы депутаттарына арызын қалдырып кеткен еді. Зейнеткердің ендігі үміті Бас прокуратурада.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе