Жолдың ақшасын “жеген” шенділер ұсталды
«Қазақавтожол» мекемесінің Қарағандыдағы филиалының басшысы мен оның орынбасары парамен ұсталды.
Бұл туралы ҚР Сыбайлас жемқорлыққа қарсы іс-қимыл ұлттық бюросының баспасөз қызметі хабарлады.
ҚР Сыбайлас жемқорлыққа қарсы іс-қимыл ұлттық бюросының Қарағанды облысы бойынша департаментінің қызметкерлері «Ақжол ДС» ЖШС өкілдері Ыбышев пен Жақпаровтан 17 млн теңге көлемінде пара алып жатқан жерінен «Қазақавтожол» РМК Қарағанды облыстық филиалының директоры Мұқанов пен оның орынбасары Отаровты ұстады.
15-қыркүйекте М.Ыбышев, Б.Жақпаров, Г.Мұқанов және Е.Отаров ҚР Қылмыстық процесуальдық кодексінің 128-бабы бойынша ұсталып, қалалық ІІД уақытша ұстау оқшаулағышына қамалды. 16-қыркүйекте күдіктілердің барлығы соттың санкциясымен қамауға алынған. Қазір сотқа дейінгі тергеу амалдары жалғасуда.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе