Пхенчхан Олимпиадасының жетінші жарыс күні ерлер арасындағы мәнерлеп сырғанау сайысымен басталды. Қысқы ойындардағы ең мәртебелі спорт түрінде қазақстандық Денис Тен де өнер көрсетті.
Сочи Олимпиадасының қола жүлдегері бұл жолы бабына келмеген сияқты. Қысқа бағдарламада төмен ұпай алған жерлесіміз жүлделі орыннан кейін қалды деп хабарлайды Хабар-24.
Денис Тен, мәнерлеп сырғанаушы:
– Осы Олимпиадаға қатысуымның өзі – мен үшін жетістік. Себебі Пхенчханға дейін көп жарақатым болды. Соңғы бірнеше айдан бері аяғымның ауырғанынан ұйқым бұзылғаны рас. Бірақ соған қарамай, осында келдім. Өйткені бұл Олимпиаданы асыға күттім. Сочиден кейін спорттан кету туралы ойым болған еді. Енді міне, Кореяда жүрмін, келгеніме қуаныштымын.
Жақсы өнер көрсетпегенім көңіл көншітпеді. Қазақстан құрамасының спортшыларына сәттілік тілеймін.
Спорттағы ғұмырымды осылай аяқтағым келмейді.
Мен әлі өз жанкүйерлерімді қуантамын.
https://kaz.365info.kz/bizdin-andi-oryndagan-zhigit-khoj-frantsiyada-denis-ten-dimashtyn-anine-bilep-shykhty-video-284851
Олимпиада ойындарына арнайы бағдарлама дайындап келген Денис Тен ерекше қойылыммен есте қалуды ойлады. Бірақ спортшының жоспары жүзеге асқан жоқ. Жарақатын сөз еткен жерлесіміз отыз спортшының арасынан 27-ші болып жарысты аяқтады.
Татьяна Тарасова, жаттықтырушы:
– Иә, ол қатты ауырды және жарақаты бар. Жүдеп те кетті. Бірақ Денис Теннің мұншалықты төмен нәтиже көрсеткені таңғалдырды. Ол мұнда өзін жоғалтып алды. Денис Америкаға не үшін барды. Ол жаңа бағдарламаны үйренуі тиіс еді ғой.
Енді Тен ақылы мен тәжірибесін өз елінде ізбасарлар дайындауға арнағаны дұрыс.
https://kaz.365info.kz/denist-tenge-ne-boldy-sportshy-aziadadagy-zhenilisine-khatysty-pikir-bildirdi-video-252013
Қазақстандық мәнерлеп сырғанаушы ертең өтетін еркін бағдарламаға өте алмады. Олимпиада ойындарының қола жүлдегері енді спорттағы жолына әдемі нүкте қоюды ойлайды. Қысқа бағдарламадан кейін Сочи Олимпиадасының чемпионы жапониялық Юдзуру Ханю топ бастады.