Оның айтуынша, Жоғарғы соттың Досовтың шағымын қараудан бас тартқаны 4 мамырда белгілі болған. Сол күні Досовтың шағымын алдын ала қараған жоғарғы соттың қылмыстық істер жөніндегі сот алқысының судьясы Нұрышев бұған дейінгі сот шешімдерін қайта қарауға негіз жоқ деп, шағымды кассациялық инстанцияда қараудан бас тартқан.
46 жастағы Санат Досов 2014 жылдың шілдесі мен 2016 жылдың наурызы аралығында жазған жазбаларында Ресей президентін “елді қиратты” деп айыптап, оның саясатын және Кремльдің Шығыс Украинадағы әрекетін сынаған.
Дереккөз: Азаттық