Алматыда өз балаларын өлтірген ата-ананың ісіне қатысты тың мәліметтер жарияланды.
Рatrul.kz порталының редакциясы оқиға орнынан эксклюзив видео жариялады. Видеода балалардың әкесі адамшошырлық қылмысын баяндап береді.
“Бағыдан ойлап жүргенмін. Өйткені шаршадым. Дымым құрыды. Ұйқым қанбай жүрді. Осының бәрі әсер етті. Содан бір күні үлкен ұлымен әйелім аулаға қыдыруға шыққанда мен екі баланы қылғындырып өлтіріп, мүрделерін матаға орап, сөмкеге салып, тығып қойдым. Әйелім оралғанда біз үстел басына келіп, арақ ішуімізді жалғастырдық. Бірақ бірнеше күннен кейін үйде жағымсыз иіс шыға бастады. Сондықтан басқа пәтер жалдауды ұйғардық”, – дейді ол.
https://kaz.365info.kz/oltirip-tonazytkhyshkha-salypty-almatyda-iesiz-paterden-eki-balanyn-denesi-tabyldy-279777
Жаңа баспанаға келісімен балалар салынған сөмкені олар жерасты қоймасына жасырған. Десе де жағымсыз иіс тағы да шыға бастаған. Бұдан соң ер адам әйеліне тағы да басқа үй іздеуді бұйырған. Жаңа үйде балалар салынған сөмке тоңазытқышқа салған. Осыдан кейін әйел үлкен ұлын “Самал” ықшамауданына апарып, тастап кеткен де үйіне оралған. Ал келесі күні оларды жалдамалы баспанадан полицейлер ұстаған.
https://kaz.365info.kz/almaty-oblysynda-bir-erkek-ajelin-basynan-teuip-atpen-syjrepti-280275
Еске салайық, екі баланың мәйіті Түрксіб ауданындағы көпқабатты үйлердің бірінен 12-қыркүйекте табылған болатын. Ұсталған ата-ана екі айға қамауға алынды. Қазіргі уақытта тергеу жүріп жатыр.