Өткен маусым аяқталысымен «Қайрат» клубынан кеткен шабуылшы Жерар Гоу алматылық командаға қайта оралуы мүмкін.
Бұл туралы Prosports.kz хабарлады. Ойыншы мен оның агенті «Қайрат» клубымен келісімге келуге дайын көрінеді.
Кейбір дереккөздер
Гоу алматылық командада жылына екі миллион еуро көлемінде айлық алып тұрғанын жазған.
Былтырғы маусым аяқталысымен «Қайраттан» кеткен Гоу еркін агент ретінде жаңа команда іздеген. Алайда әлі күнге дейін ешбір клубпен келісімге келе алмады.
Гоу мен алматылық команда келісімге келіп жатса, шабуылшы 23 қаңтарда басталатын «Қайраттың» Түркиядағы жиынына келіп қосылуы тиіс.
Жерар Гоу өзінің инстаграм парақшасында: «Жігіттер, сендерді сағынып жүрмін. Командамда бәрі жақсы болады деп ойлаймын. «Қайрат» осы маусымда чемпион болуы қажет. Біз – біргеміз!», – деген жазба қалдырған.