Жеңіс Қасымбек “7-20-25” бағдарламасы бойынша ипотека қашан берілетінін айтты
ҚР инвестициялар және даму министрі Жеңіс Қасымбек “7-20-25” бағдарламасы бойынша ипотека екінші жартыжылдықтан бастап берілетінін айтты.
Бұл туралы Sputnik.kz хабарлады.
“Ұлттық банк бір-екі ай ішінде “7-20-25″ бағдарламасын бекітеді. Екінші жартыжылдықтан бастап ипотека бере бастайды”, — деді министр.
Қасымбек “Нұрлы жер” мен “7-20-25” бағдарламалары бір-біріне кедергі жасамайтынын атап өтті.
“Нұрлы жерге” өзгерістер енгізіліп жатыр. Бұл ең алдымен жаңа “7-20-25” бағдарламаның енгізілуімен қосымша инфрақұрылымның қажеттілігіне байланысты.
“Нұрлы жер” жұмысын жалғастырады. Жеке тұрғын үй құрылысы, арендалық, кредиттік үй. Құрылыс салушылар бойынша пайызды субсидиялау секілді тетіктер қалады”, — деді министр.
Жаңа бағдарламаға сәйкес, несие өсімінің мөлшерлемесі жылына 7 проценттенн, бастапқы жарнасы 20 проценттен аспайды. Несие мерзімі – 25 жылға дейін
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе