Daily Mail таблойды қазақстандық Геннадий Головкин (37-0-1, 33 КО) мен Сауль “Канело” Альварестің (49-1-2, 34 КО) Лас-Вегастағы жекпе-жектен қанша табыс тапқанына қатысты мәліметті жария етті.
Бұл туралы осы шетелдік басылымға сілтеме жасап, Vesti.kz хабарлады.
Басылымның мәліметінше, Головкиннің табысы 25 миллион доллар да, Альварес 35 миллион доллар табысқа кенелген. Бұл қос боксшының да карьерасындағы ең көп гонорар. Алайда бұл сомаға билеттердің сатылымынан және ақылы трансляциялар жүйесінен (PPV) түскен қаражаттың кірген-кірмегені белгісіз қалып отыр.