Түркіменстанда соңғы айларда бірқатар ірі кәсіпкерлер ұсталды. Олар түрік дін уағыздаушысы Фетхуллах Гүлен басқаратын “Хызмет” қозғалысына қатысы бар деп айыпталды.
Түркіменстанда белгілі “AlpEt” мейрамханасының және “Merdem” ойын-сауық орталығының қожайыны Ресул Атагелдыевті билік несиені мақсатсыз пайдаланды деп айыптады. Достары болса кәсіпкер несиені уақытында жауап тұрды дегенді алға тартты. Бірақ тергеу ол қаражаттың Гүленмен байланысы бар делінетін шетелдік компаниялардың есебіне аударған деп отыр.
Кәсіпкерлердің ұсталуы Түркия президенті Режеп Тайып Ердоғанның Ашхабадқа сапары қарсаңында жүзеге асты деген болжам бар. Ердоған үкіметі оппозициялық саясаткер Гүленді және оның “Хизмет” ұйымын шілдеде сәтсіз аяқталған әскери төңкерісті ұйымдастырды деп айыптап отыр.
Түркиядағы бүліктен соң Ашхабадта Гүлен қозғалысының қамқорлығындағы халықаралық түркімен-түрік университеті жабылды. Ресул Атагелдыев және басқа да түркімен кәсіпкерлері осы оқу орнын бітірген.