Астанада «Жас қанат-2017» республикалық жас орындаушылар байқауы мәреге жетті.
Бұл туралы байқаудың баспасөз қызметі хабарлады.
Соңғы мәреге 5 конкурсант жетіп, «Алтын қанат» сыйлығы үшін бақ таластырды. Олар 18 жастағы талдықорғандық әнші Әнел Смайылова, Петропавлдан келген 20 жастағы Бүркіт Жанай, өскемендік IN CORO тобы, Алматының намысын қорғаған 15 жастағы Томирис Жанғазинова және Павлодардан 28 жастағы Мадияр Бақтияров.
Дегенмен, «Жас қанаттың» биылғы «Алтын қанатының» иегері әрі үздік әнші ретінде Мадияр Бақтияров танылды.
ІІ-орын, яғни «Күміс қанат» Бүркіт Жанайға, ІІІ-орын, яғни «Қола қанат» IN CORO тобына бұйырды.
Еске сала кетелік, «Жас Қанаттың» 2016 жылғы жеңімпазы Семей қаласының жас орындаушысы Парасат Отан болған еді.