Таңғы сағат 9-дар шамасында ауыл тұрғындары жүгері алқабын дәрілеуге кеткен ұшақтың жербауырлап барып құлағанын көрген. Тіпті кей жастар ұшаққа жақынырақ барып, ішіндегі адамдарды құтқармақ болыпты, деп хабарлады КТК арнасы.
Бірақ әуе көлігі лезде түтіндеп, жана бастаған. Кейін жарылыс болған. Ұшақта 54 жастағы Хамит Ақбергенов есімді ұшқыш және 39 жастағы шаруа қожалығының иесі Мәсімжан Мәсімов отырыпты. Екеуі де қаза тапты. Екіншісінің артында бес бала жылап қалды.