“Періште келді!”. Димаш Қытайда көрермендердің ортасына шығып, ән салды (фото, видео)

12 наурыз 2017, 11:37

199

Димаштың өнеріне тәнті азаматтардың бірінің Weibo әлеуметтік желісіне орналастырылған видеосында қазақстандық өнерпаздың «Singer» байқауының бағдарламасы аясында айтқан «SOS d’un terrienen détresse», «Күзгі мұң», «Adagio» сияқты әндерін орындағандығын көруге болады.

Видеодан Димаш көрермендердің ортасына шығып, ән салғанын көруге болады. Ел шулап, есінен танып қала жаздады. Ал осы фестивальға билет сатып алғандар “Періште келді, періштені көреміз” десіп жазып жатты.

Концертке кіретін билеттің құны – 520 юань немесе 24 мың теңге. Айта кетейік, кеше Хунань телеарнасының эфиріне «Singer» байқауының 8-ші кезеңінің көрсетілімі шықты. Бұл кезеңде Димаш 5-ші орын алған болатын.

Димаш аты аңызға айналған қытай әншісі Хань Хуннің «Таң атты» әнін қытай тілінде орындаған болатын.

9-шы кезеңнің көрсетілімі сенбі, 17 наурыз күні эфирге шығады. Димаштың бұл кезеңде 2-ші орын алғаны белгілі. Ол танымал канадалық әнші Селин Дионның «All bymyself» әнін орындады.