Жаңа жылдан бастап атаулы әлеуметтiк көмекті кімдер алады
2018 жылдан бастап мемлекеттiк атаулы әлеуметтiк көмек жаңа форматта берiлетiн болады. Облыстық әкiмдiктiң отырысында осы мәселе талқыланды деп хабарлайды Zakon.kz әкімнің сайтына сілтеме жасап.
Облыстық жұмыспен қамтуды үйлестiру және әлеуметтiк бағдарламалар басқармасының басшысы Сергей Яковенконың айтуынша, әлеуметтiк көмек алу үшiн тұрмысы төмен азаматтар еңбек етулерi қажет.
«Бiздiң мақсатымыз — көмектi алушыларды азайту, бiрақ олардың алатын ақшасы көбеюi керек. Олар жұмысқа тұрып, белсендiлiк таныту қажет. Механизмдер бар. Бұл бақша шаруашылығы, мал шаруашылығы, ара шаруашылығы және тағы басқалары», — дедi өңiр басшысы.
Қазiр облыста атаулы көмектi алатын 4196 отбасыдан 16716 азамат анықталды. Бұл бағытқа бюджеттен 319 млн. тг. бөлiнедi.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе