“Жан керек екен”. Алматыда сотталған трансгендер әйелдер түрмесіне қамалды (фото)

“Сот Беркходжаева Виктория Уәлижанованы ҚР Қылмыстық кодексінің 194-бабы 4-бөлігі бойынша қарастырылған қылмысқа кінәлі деп табылып, 7 жылға бас бостандығынан айыру және мүлкін тәркілеу жазасы кесілді. Ол жазасын жалпыға бірдей режимдегі колонияда өтейді”, – деді судья Қасым Қалмағамбетов.

Сотталушы Каримжан Беркходжаев аса ірі көлемде ақша бопсалаған. Іс бойынша айыпталушы және жәбірленуші ретінде жынысын ауыстырған екі ер адамның ісі қаралған. Алайда құжаттарға сай, жәбірленуші – әйел адам. Тергеу нұсқасы бойынша, сотталушы жынысын ауыстыру үшін тағы бір ота жасау тиіс болатын, сол себепті ол өз құрбысынан 33 мың доллар беруін талап еткен. Сотталушы құрбысына зәбір көрсеткен. Ондай көлемдегі ақшаны таба алмаған құрбысы құқық қорғау органдарына барып, арыз берген. Тамызда Виктория қамауға алынған. Алайда ол өз кінәсін мойындамайды.

“Мен өзімді кінәлі деп санамаймын. Ол мені қызғанатын. Жанжал екеуіміздің ортақ сүйген бір жігітіміз үшін шықты”, – деді Беркходжаева.

Алдында Алматы ішкі істер департаменті сотталғалы жатқан трансгендердің ерлер түрмесіне тоғытылуы мүмкін екенін мәлімдеген. Өйткені жынысын өзгерткенмен сотталушы төлқұжатын ауыстыра алмапты. Алайда тергеу процесі барысында трансгендердің адвокаты бұл мәселені оңтайландырып беріпті.