Жамбылда жаназаға 100 мың теңге сұрағаны рас па?
Жамбыл облысы Сарысу ауданында жаназа намазын шығару үшін 100 мың теңге талап етілді деген мәлімет қоғамда үлкен резонанс тудырды. Айтыскер Алик Бекмусаев бұл туралы әлеуметтік желіде жазғаннан кейін, тұрғындар тарапынан наразылық күшейді. Көпшілік «мұндай ақыны төлеуге шамасы жетпейтіндер қайтпек?» деп орынды сұрақ қойды.
Осыған байланысты Қазақстан мұсылмандары діни басқармасының Жамбыл облысындағы өкілі, бас имам Асқар Сатығланов түсініктеме беріп, жаназа үшін ақы алудың шариғатқа қайшы екенін мәлімдеді. Ол ресми тіркелген имамдардың ешбірі діни рәсімдер үшін ақша талап етпеуге тиіс екенін ескертті.
Аталған оқиғадан кейін Жуалы ауданында да осыған ұқсас жағдай тіркелгені жөнінде хабар тарады. Онда да жаназа үшін 100 мың теңге сұралғаны айтылғанымен, бұл дерек әлі нақты расталмаған.
Серіктестер жаңалықтары
© «365 Info», 2014–2025 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз