Жамбылдағы күн электр стансасы EXPO-2017 көрмесіне қойылмақ
Жамбыл облысына жұмыс сапарымен барған ҚР Инвестициялар және даму министрі Әсет Исекешев Орталық Азиядағы ірі «Бурное Солар-1» күн электр стансасының жұмысымен танысты. Бұл туралы облыс әкімдігінің баспасөз қызметі хабарлады.
Жуалы ауданында салынған қуаттылығы 50 МВт құрайтын күн электр стансасы 2015 жылы 2-шілдеде Елбасының қатысуымен Индустриаландыру күні аясында іске қосылған.
Станса 150 га аумақта орналасқан. Жобаның жылдық электроэнергия өнімі 73 млн кВт/сағ құрайды. Стансаны іске қосқаннан электроэнергия өндірісі 58,718 млн кВт/с құрады, бұл болжанған көрсеткіштен 10 пайыз жоғары.
«Бурное Солар-1» күн электр стансасында 250 адам жұмыспен қамтылған.
Облыстық әкімдікте атап өткендей, бұл күн электр стансасы ЭКСПО-2017 көрмесінде Қазақстандағы жаңартылатын энергия көзі жобасын жүзеге асырудың үздік үлгісі бола алады.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз