Жамбыл облысында атыс кезінде бір адам қаза тауып, жетеуі жараланды
Жамбыл облысындағы екі жолаушының арасындағы кикілжіңнің соңы атысқа айналып, оған екі ауылдың тұрғындары қатысқан, деп хабарлайды өңірдің ішкі істер департаменті баспасөз қызметі.
Тергеу анықтағандай, 6 қараша күні кешкісін Аса ауылынан Құмтиын ауылына кетіп бара жатқан көліктің екі жолаушысы арасында кикілжің туындайды.
“Түн ортасында кикілжіңнің соңы Аса және Құмтиын ауылдары тұрғындарының жанжалына ұласып, бытыралы тегіс ұңғылы қарудан оқ атылған”, — делінген хабарламада.
Нәтижесінде аудандық ауруханада әртүрлі оқ жарақатын алған жеті адам медициналық көмек алыпты.
“Жамбыл ауданы Қаракемек ауылының 30 жастағы тұрғыны кеудесінен жарақат алып, қаза тапты”,- деп мәлімет берді ведомство.
Аталмыш дерек бойынша қылмыстық іс қозғалып, сот-медициналық сараптама жүргізілуде. Сотқа дейінгі тергеу амалдары орындалып жатыр.
Серіктестер жаңалықтары
© «365 Info», 2014–2024 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз