Күздің басты хитіне айналған “Шымкенттің қыздары зың-зың” әзір рэпінің, сөзінің және аранжировкасының авторы композитор Болат Нұрымов екен.
Бұл туралы Tengrinews.kz тілшісіне айтып берді.
“Мен студияда ән өңдеймін. Кейде шаршаймын, бір музыкамен жұмыс істей бергеннен жалығасың. Сол кезде көңіл көтеру үшін түрлі қызық әндер жазамын. Сосын клиенттерден ұялып, өшіріп тастаймын. Бұл композицияны мен өшіріп тастаған сияқты едім. Бірақ Интернетке қалай тарап кеткетін білмеймін”, – деді ол.
Болат Нұрымов Шымкентте туған, қазір Алматыда тұрып жатыр. Ол көптеген танымал әншілерге ән жазғанын айтады. Олардың қатарында Тоқтар Серіков, Роза Рымбаева, Мәдина Сәдуақасова, Қайрат Нұртастар бар екен.
Айта кетейік, күздің басты вирус әніне айналған “Зың-зыңға” “Шудың бойында” хитінің авторы мен Жан Ахмадиев бірігіп, бейнебаян түсірген еді.