Нұр-Сұлтан
Қазір
2
Ертең
0
USD
449
-1.43
EUR
484
-3.48
RUB
4.86
0.00

Жалпақ прокат экспорты өсті, бірақ оң нәтиже жоқ

Ұлттық статистика бюросының мәліметінше, 2020 жылдың қаңтар-қараша айларында Қазақстан қара металлургиясының негізгі өнімдерінің бірі – 950,4 млн долларға жалпақ прокат экспорттады. 2019 жылдың ұқсас кезеңімен салыстырғанда сату 9,1%-ға өсті. Көрсеткіш айтарлықтай болғанына қарамастан, қуанатын ерекше себеп жоқ:

  • 2018 жылдың 11 айымен салыстырғанда экспорт ақшалай мәнде 28,2%-ға немесе 373,7 млрд теңгеге төмендеді
  • түсімдегі 9 пайыздық өсімді алу үшін жөнелтуді 30%-дан астам ұлғайтуға тура келді

Қаңтар-қараша айларында шетелге 1 млн 916,5 мың тонна жалпақ прокат сатылды. Бұл 2019 жылдың сәйкес кезеңімен салыстырғанда 30,2%-ға немесе 444,3 мың тоннаға артық. Бірақ бұл 2016-18 жылдардағы деңгейден төмен, содан кейін шетелге жеткізу көлемі 10-23% жоғары болды.

Осылайша, қазіргі көрсеткіштер 2019 жылғы экспорт үшін сәтсіз болған жағдайдың қасында ғана жақсы болып көрінеді. Бұрын жағдай жақсырақ көрінді.

Қытай Ресейді ығыстыра бастады

Негізгі өткізу нарығы Ресей болып қала береді. 2020 жылдың 11 айында онда 1,17 млн тонна прокат сатылды. 2019 жылдың ұқсас кезеңімен салыстырғанда бұл көрсеткіш 3,9%-ға өсті. Бұл ретте мәмілелерден түскен табыс шамамен 10%-ға төмендеді: 654,2-ден 590,8 млн долларға дейін.

Тиісінше,

қазақстандық өнім экспортындағы РФ үлесі де қысқарды. Егер 2019 жылы ол 75% құраса (ақшалай түрде), бір жылдан кейін 62%-ға түсті

Баламалы өткізу нарықтары екі ел болды.

Алғашқы бағыт – Өзбекстан. Бұл бағыттағы прокат саудасы бір жылда 123,6-дан 149,5 млн долларға (21%) дейін өсті. Ал жүк 188,9-дан 269,7 мың тоннаға (42,8%) жетті.

Екінші бағыт – Қытай. Бұл елге сатылым қарыштап өсіп жатыр.

  • Қаңтар-қараша айларында жүк көлімі бір жыл бұрынғы 34,7 мың тоннадан 301,8 тоннаға жетті. Айырма 8,7 есе.
  • Ал одан түскен кіріс 116-дан 12,9 млн-ға жетті, яғни 9 есе өсті.

Бұл 3 елге қазақстандық жалпақ прокат экспортының 90 пайызы келеді. Қалған 10 пайызы 11 ел арасында бөлінеді. Ол елдер қатарына (жақын шетелдерден бөлек) Ауғанстан, Вьетнам, Үндістан кіреді.

Өндіріс дамып жатыр

Сатылымның өсуі тауар өндірісі нәтижесінде болып отыр. 2020 жылдың қорытындысы бойынша, республикамыз 2 млн 568,4 мың тонна өндірген. Ол 2019 жылдағы өндірістен 26,1 пайызға көп. Өткен жыл 2017 жылмен бірге сәтті болды. Ол кезде өндіріс көлемі 3 млн тонна прокатты құрады.

  • 2020 жылы желтоқсанда өндіріс көрсеткіші 286,6 мың тоннаны құрады. Бұл үшжылдық максимум. Соңғы рет 2017 жылы қарашада үлкен көрсеткіш (329,6 мың тонна) болды.
  • Жылдан жылға өндіріс өсімі 2020 жылдық 12 айынан 10-ында байқалады.
  • 2020 жылдың маусымынан бастап өндіріс 2019 жылдағы дәл осы кезеңге қарағанда тұрақты түрде жоғары болды.

Өндіріс өсімі прокат импортына азайтуға мүмкіндік берді. 11 ай ішінде республикаға 520,8 мың тонна әкелінді. Бұл былтырға қарағанда 16,1 пайызға аз.

Әкелген тауардың құны 397,2-ден 319,9 млн долларға төмендеді. Прокат жеткізуші ретінде ресми деректерде 38 ел көрсетілген. Оның ішінде Малайзия, Жапония, Бангладеш пен Оңтүстік Африка бар. 96 пайыз үлес екі елге тиесілі: Ресей (240,1 млн, -21,7%) және Қытай (65,6 млн, -13,9%).

Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз