Қазір әлемде қара балмұздақ сәнге айналған. Оның құрамындағы белсенді көмір жоспарланбаған жүктілікке әкелуі мүмкін екен, дейді дәрігерлер.
Гинеколог мамандардың пікірінше, балмұздақтың осы түріне құмар әйелдер сақ болуы тиіс. Өйткені ол ішу арқылы қабылданатын контрацептивтердің тиімділігін қатты төмендетеді екен.
Дни.ру сайтының жазуынша, балмұздақтың түсін қара ету үшін оған белсенді көмір қосады. Көмір өз кезегінде түрлі дәрі-дәрмектердің, оның ішінде жүктіліктен қорғайтын контрацептивтердің де күшін жоятын детоксикациялық дәрі болып табылады екен.
Айта кетсек, қара балмұздақ жеу қазір әсіресе Лос-Анджелесте жаппай сәнге айналған. Биыл жазда қара балмұздақ Ресейде де пайда болыпты. Жақын арада Қазақстанға да жетуі мүмкін.