Серік Ибрагимов желіде тарап кеткен даулы видеосын түсіндірді. Әнші той-томалақтар мен көңілді кештерде фонограммамен ән айтатынын жоққа шығарып, халықты алдап жүрген “біртүрлі парақшалардың” иелеріне базынасын айтты.
Бұл туралы Stan.kz хабарлайды.
Серіктің айтуынша, жұрт фонограмма деп ойлап жүрген дүние шын мәнінде – бэк-вокал (авт. яғни негізгі вокалдық партияны сүйемелдейтін қосымша орындау). Ал негізінде мен тек қана жанды дауыста ән саламын деп түсіндірді Серік.
Ол желідегі күмәнді сайттардың иелерін халықты алдамауын өтінді.
“Құрметті әлеуметтік желілердегі күмәнді сайттардың админдері! Бұл видео сіздерге арналады. Мән-жайдың анық-қанығын, ақ-қарасын білмей, адамға жала жаппауларыңызды сұраймыз!” – дейді Серік Ибрагимов.