“Жақындамаңдар…”. Талдықорғанда ер адам өз ұлын өртеп жібермек болған (видео)
Талдықорғанда өз ұлын өртеп жібермек болған еркек бүкіл қаланы аяғынан тік тұрғызды. Отбасында жанжал шығарған 41 жастағы тұрғынды сабасына түсіру үшін көршілері полиция шақырған.
Бұл туралы КТК арнасы хабарлайды.
Өз ұлын өртеп өлтірмекке бекінген еркекті райынан сөзбен қайтара алмасын түсінген полицейлер дереу арнайы операцияға көшті. Оқыс оқиға орын алған «Жастар» шағынауданындағы жарық пен газды өшіріп, көпқабатты үйдің тұрғындарын сыртқа шығарған. Қаладағы бүкіл шұғыл қызмет өкілдері де осында тартылды. Есірігі ұстаған еркекті арнайы жасақ үйдің шатыры арқылы 4 қабаттағы балконнан кіріп, бір оқ атпастан ұстады.
“Келіссөздер ешқандай нәтиже бермеді. Осыған орай 13 сағат 15 минутта пәтерді күшпен алу туралы шешім қабылданды. Нәтижесінде полицейлер баланы еш зақымдаусыз босатып алды. Ұсталған ер-азамат қалалық полицияға жеткізілді. Аталған инцидент бойынша тергеу амалдары жүргізілуде. Ұсталған азаматтың іс-әрекетіне құқықтық баға берілетін болады”, деді Алматы облыстық ІІД қызметкері.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе