Ауруханадан кеше шыққанмен ФБ-ға бүгін ғана кіріп едім, оншақты күннің ішінде қаншама өзгерістер болып кеткен?! Қарадан қарап тұрып Астананың аты өзгеріп кете жаздапты! Парламент ғимаратының төбесіне шапалақ соғып тұрған алақан бейнесінде жағымпаздық символын орнатуға лайық па деп қалдым.
«Партия қалаулылары» жағымпаздық олимпиадасының желаяқтары болғанымен, ал ұлт үшін маңызды мәселенің бәрінде – «страус». Жер дауында бұғып қалады, Петропавл мен Павлодар қалаларының атын ауыстыруға келгенде жақ ашпайды, Конституцияға мемлекет құраушы ұлттың аты мен құқығын енгізуге – керең, құқықтық актілер мен заң жобаларын мемлекеттік тілде әзірлеуге – соқыр. Ал жағымпаздық жарысында құлақтар «ашылып», соқыр көздері «көріп кетеді». Осындай жағымсыз «қылықтарымен» абыройдан айырылып бітті.
Марат Тоқашбаев
Facebook-тегі парақшасынан