Нұр-Сұлтан
Қазір
-5
Ертең
-14
USD
388
-0.93
EUR
429
+0.64
RUB
6.06
-0.02

Зейнетақы жинағын кредитті жабуға пайдалануға бола ма – Ұлттық банк жауабы

280
© Sputnik / Болат Шайхинов

ҚР Ұлттық банк төрағасының орынбасары Олег Смоляков Бірыңғай жинақтаушы зейнетақы қорының ақшасын баспанаға немесе кредитті жабу үшін пайдалануға қатысты пікір білдірді, деп хабарлайды Sputnik Қазақстан тілшісі.

“Мен өзім зейнетақы жинақтарын кредитті жабу үшін пайдалануға қарсымын. Бұл – менің жеке пікірім. Иә, неше түрлі жағдайлар болады. Қаржылай қиындықтар болғанда несие алуға тура келеді. Кепілдік те бар. Ал кредитті ақшамен, я болмаса, кепілдікпен өтеу керек. Бірақ БЖЗҚ-дағы жинақтар зейнетке шыққаннан кейін керек қой. Мәселен, ол ақшаны пайдалануға рұқсат берілсе, несие алған адам зейнетақы жинақтарын жұмсап, кепілдіктен де айрылуы мүмкін. Меніңше, ондай жағдайда зейнетақы жинақтарын кредитті жабу үшін пайдаланған қисынсыз сияқты”, – деді Смоляков журналистерге берген сұхбатында.

Оның айтуынша, барлық қазақстандықтардың зейнетақы жинақтары бірдей емес. Ал оны басқа мақсаттарға пайдалануға рұқсат берілсе, біреулер зейнетақысыз қалуы әбден мүмкін.

“Негізі, осы мәселелердің бәрі пысықталуда. Жалпы, зейнетақы жүйесіне қатысты жұмыстар атқарылып жатыр. Иә, оның бәрін қарастырып жатқанымызға біраз уақыт болды. Дегенмен, күзге таман алдын ала қорытынды болады деген ойдамын”, – дейді Ұлттық банк төрағасының орынбасары.

Көп қаралған
© «365 Info», 2014–2019 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз