Ташкент дәрігерлері 3 қыркүйектен бастап мақта теру маусымы басталатыны туралы ескерту алған. Оларды кезек бойынша жұмысқа салады, биыл мақта теру маусымы 13-14 күнге созылады. Бұл туралы жергілікті баспасөз хабарлады.
Мәліметтерге қарағанда, әрбір медициналық қызметкер күніне 70 келі мақта теруге міндетті, орындалмаған жоспарды ол ақшамен өтеп береді.
Өзбекстан үкіметінің мақта теруге мәжбүрлеу болмасын деген мәлімдемесіне қарамастан, дәрігерлермен қатар басқа да бюджет қызметкерлері биыл егістікке барады.